Okra'iniye xitaygha jasusluq qilghan bir rusiyilikni qamaq jazasigha höküm qildi

Okra'iniyining qirim arilidiki bir sot mehkimisi peyshenbe küni höküm chiqirip, xitaygha jasusluq qilghan bir rusiyilikni 8 yilliq qamaq jazasigha höküm qilghan.
Muxbirimiz erkin
2010.07.02
Share on WhatsApp
Share on WhatsApp

Okra'iniye edliye ministirliqining ashkarilishiche, mezkur rusiyilik ötken yili 7 ‏- ayda okra'iniyining qirim arilidiki bir tejribe meydanida xitaygha axbarat toplawatqanda qolgha élin'ghan. Lékin okra'iniye terep xitaygha jasusluq qilghan bu rusiyilikning ismini ashkarilimidi.

Okra'iniye dölet bixeterlik idarisining eskertishiche, xitay jasusi okraniye herbiy sana'itige munasiwetlik téxnika uchurlirini toplighan.  

Bu okra'iniye da'iriliri bu yil kirgendin buyan bir terep qilghan xitaygha munasiwetlik 2‏-jasusluq délosi. Okra'iniye bu yil 2‏- ayda xitaygha jasusluq qilghan 3 neper okraniye puqrasini jazalighan idi. Bu 3 neper xitay jasusi okra'iniyining bir herbiy ayropilan rémont zawutida ishleydighan xadimlar bolup, ular rusiyide yasalghan su ‏-27 belgilik urush ayropilanining chértyozhini kopiye qiliwatqanda qolgha élin'ghan idi. Xewerlerge qarighanda, xitay bixeterlik ministirliqi bu 3 neper okraniyilikke 800 ming dollar bérishke wede qilghan.

Herbiy analizchilarning eskertishiche, xitay rusiyidin sétiwalghan bezi qoral - yaraqlarning zapchisi okra'iniyide ishlepchiqirilidighan bolup, shu sewebtin xitay okra'iniye herbiy sana'itige qiziqidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet