Хитайниң японийигә қарши намайиши ямғур сәвәбидин намайиш көләмлишәлмиди

"18 - Сентәбир вәқәси" ниң хатирә күни хитайниң бир нәччә шәһиридә японийигә қарши намайиш уюштурулди. Һалбуки, хитай даирилири алған бихәтәрлик тәдбирлири вә ямғур сәвәбидин намайиш көләмлишәлмиди.
Мухбиримиз җумә
2010-09-18
Share

Намайиш, японийә даирилири йеқинда тутуп қалған хитай белиқчи кемиси капитани мәсилиси икки дөләт мунасивәтлирини җиддийләштүргән пәйтләргә тоғра кәлди.

Бирләшмә агентлиқида нәқил қилишичә, бәзи хитай намайишчилар "япон алвастилирини пүтүнләй қурутуветимиз" дегәндәк шоарларни товлиған. Намайишлар бейҗиң, шаңхәй вә шенҗен қатарлиқ шәһәрләрдә елип берилған.

Бәзи намайишчилар японийиниң бейҗиңдики әлчиханиси алдиға йиғилип "япон йоқалсун!" дәп шоар товлиған. Хитай ташқи ишлар министирлиқи хитай намайишчиларни өзини тутувелишқа чақирған.

Хәвәрдә көрситишичә, хитай коммунист партийиси өзини техиму милләтчи қилип көрситиш үчүн, хитай хәлқниң японға қариши һессиятини улғайтип кәлгән болсиму, җәмийәт муқимлиқини көздә тутуп, бу йилқи японға қарши намайишларниң алдини елишқа тиришқан.

Шаңхәйдә икки намайишчи "дявйү арили хитайниң, капитанимиз қайтурулсун" дегән хәтләр йезилған бир байрақни япон консулханиси алдиға асқан.

1931 - Йили 18 - сентәбир манҗурийидики японийә игидарчилиқидики бир төмүрйол партлап кәткән. японийә империйә армийиси 1931 - йили "18 - сентәбир манҗурийә вәқәси" ни сәвәб қилип, хитайға бастуруп киргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт