Xitayning yaponiyige qarshi namayishi yamghur sewebidin namayish kölemlishelmidi

"18 - Séntebir weqesi" ning xatire küni xitayning bir nechche shehiride yaponiyige qarshi namayish uyushturuldi. Halbuki, xitay da'iriliri alghan bixeterlik tedbirliri we yamghur sewebidin namayish kölemlishelmidi.
Muxbirimiz jume
2010-09-18
Share

Namayish, yaponiye da'iriliri yéqinda tutup qalghan xitay béliqchi kémisi kapitani mesilisi ikki dölet munasiwetlirini jiddiyleshtürgen peytlerge toghra keldi.

Birleshme agéntliqida neqil qilishiche, bezi xitay namayishchilar "yapon alwastilirini pütünley qurutuwétimiz" dégendek sho'arlarni towlighan. Namayishlar béyjing, shangxey we shénjén qatarliq sheherlerde élip bérilghan.

Bezi namayishchilar yaponiyining béyjingdiki elchixanisi aldigha yighilip "yapon yoqalsun!" dep sho'ar towlighan. Xitay tashqi ishlar ministirliqi xitay namayishchilarni özini tutuwélishqa chaqirghan.

Xewerde körsitishiche, xitay kommunist partiyisi özini téximu milletchi qilip körsitish üchün, xitay xelqning yapon'gha qarishi héssiyatini ulghaytip kelgen bolsimu, jem'iyet muqimliqini közde tutup, bu yilqi yapon'gha qarshi namayishlarning aldini élishqa tirishqan.

Shangxeyde ikki namayishchi "dyawyü arili xitayning, kapitanimiz qayturulsun" dégen xetler yézilghan bir bayraqni yapon konsulxanisi aldigha asqan.

1931 - Yili 18 - séntebir manjuriyidiki yaponiye igidarchiliqidiki bir tömüryol partlap ketken. Yaponiye impériye armiyisi 1931 - yili "18 - séntebir manjuriye weqesi" ni seweb qilip, xitaygha basturup kirgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet