Хоңкоң парламент әзалири хитай тәрәпни тйәнәнмен вәқәсидики хаталиқларни етирап қилишқа үндигән

Йеқинда хитайда зиярәттә болған бир қисим хоңкоң парламент әзалири, хитай тәрәпни тйәнәнмен вәқәсидики хаталиқларни етирап қилишқа үндигән.
Мухбиримиз җүмә
2009.05.18

Ройтерста хәвәр қилинишичә, 11 нәпәр хоңкоң парламент әзаси йеқида хитайда зиярәттә болған болуп, улар бу һәқтики хәвәрни хитай зияритини аяғлаштурғандин кейин ашкарилиған.

Мәлум болушичә. Хоңкоң парламент әзалири хитайда әркин саяһәт қилиштин чәкләнгән вә пәқәт алдин орунлаштурулған җайлардила зиярәт қилдурулған болуп, тйәнәнмен вәқәсигә алақидар мәсилиләр гуаңдуң өлкисиниң муавин рәиси вән чиңляңниң сәмигә селинған.
 
Хитай һөкүмити 4 - июн тйәнәнмен һәрикитини "әксилинқилаби һәрикәт" дәп қанлиқ бастурған болуп, 20 йилдин кейинму бу хил мәйданини өзгәрткини йоқ.

Хоңкоңға қайтқандин кейин бу һәқтә баянат бәргән хоңкоң адаләт вә демократийә партийисиниң вәкили йү ровей, хитай һөкүмитиниң 4 - июн тйәнәнмен вәқәсини қайта бир тәрәп қилиши керәкликини илгири сүргән.

Мәлум болушичә, хоңкоңда 4 - июн вәқәсини хатириләш йүзисидин шам йеқип түнәп әсләш паалийити елип берилидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.