Хоңкоңниң булғиниш дәриҗиси адәм һаятиға хәвп йәткүзүш дәриҗисигә йәткән

Хоңкоңниң йол бойи әтрапидики районларда һава булғиниш дәриҗиси адәм һаятиға хәвп йәткүзүш дәриҗисигә йәткән. Хоңкоңда чиқидиған "җәнубий хитай сәһәр гезити"ниң һөкүмәт даирилири тәминлигән учурлардин нәқил елип көрситишичә, хоңкоңдики бу хил булғиниш әһвали юқири болған күнләр һәр һәптидә бир қетим көрүнгән.
Мухбиримиз җүмә
2010.01.04
Share on WhatsApp
Share on WhatsApp

Хәвәрдә көрситишичә, бу хилдики учурларни хоңкоң муһит қоғдаш идариси топлиған болуп, 2009 - йили җәрянида мәркизий хоңкоң шәһәр районида булғиниш әң еғир болған күнләр җәмий 44 күн болған.

Мәлум болушичә, бу хил булғиниш дәриҗиси адәм һаятиға тәһдит пәйда қилидиған күн сани 2005 - йилдики 39 күндин көрүнәрлик дәриҗидә көпәйгән.

Хоңкоң муһит асраш идариси баянатида, булғиниш дәриҗисиниң юқири болуши, бәзи кишиләрдики йүрәк кесили вә нәпәс йоллири кесәллик аламәтлирини еғирлаштуруши мумкин, деди.

Мәлум болушичә, хоңкоңдики бәзи мустәқил тәтқиқатчиларниң охшаш орунда елип барған тәкшүрүш нәтиҗиси һөкүмәт даирилириниңкидин икки үч һәссә юқири чиққан.

Мәлум болушичә, хоңкоңниң һава сүпити җәнубий хитай өлкилиригә җайлашқан завутлар вә електир истансилири қоюп бәргән карбон вә башқа зәһәрлик зәрричиләр сәвәбидин барғанчә начарлишип бармақта икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.