Xongkongning bulghinish derijisi adem hayatigha xewp yetküzüsh derijisige yetken

Xongkongning yol boyi etrapidiki rayonlarda hawa bulghinish derijisi adem hayatigha xewp yetküzüsh derijisige yetken. Xongkongda chiqidighan "jenubiy xitay seher géziti"ning hökümet da'iriliri teminligen uchurlardin neqil élip körsitishiche, xongkongdiki bu xil bulghinish ehwali yuqiri bolghan künler her heptide bir qétim körün'gen.
Muxbirimiz jüme
2010.01.04
Share on WhatsApp
Share on WhatsApp

Xewerde körsitishiche, bu xildiki uchurlarni xongkong muhit qoghdash idarisi toplighan bolup, 2009 - yili jeryanida merkiziy xongkong sheher rayonida bulghinish eng éghir bolghan künler jem'iy 44 kün bolghan.

Melum bolushiche, bu xil bulghinish derijisi adem hayatigha tehdit peyda qilidighan kün sani 2005 - yildiki 39 kündin körünerlik derijide köpeygen.

Xongkong muhit asrash idarisi bayanatida, bulghinish derijisining yuqiri bolushi, bezi kishilerdiki yürek késili we nepes yolliri késellik alametlirini éghirlashturushi mumkin, dédi.

Melum bolushiche, xongkongdiki bezi musteqil tetqiqatchilarning oxshash orunda élip barghan tekshürüsh netijisi hökümet da'iriliriningkidin ikki üch hesse yuqiri chiqqan.

Melum bolushiche, xongkongning hawa süpiti jenubiy xitay ölkilirige jaylashqan zawutlar we éléktir istansiliri qoyup bergen karbon we bashqa zeherlik zerrichiler sewebidin barghanche nacharliship barmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.