Хоңкоңда демократик күчләр зор көләмлик намайиш қилип, бейҗиң даирилирини хоңкоңни контрол қилишқа урунмаслиққа агаһландурди

Хоңкоңлуқлар‏ 1-июл күни хоңкоңниң хитайға қайтуруп берилгәнликиниң 14 йиллиқи мунасивити билән зор көләмлик намайиш қилип, бейҗиңни хоңкоңни контрол қилишқа урунмаслиққа агаһландурди шундақла сиясий әркинликни кеңәйтишни тәләп қилди.
Мухбиримиз әркин
2011-07-01
Share

Өктичиләр намайишқа 220 миң адәм қатнашқанлиқини илгири сүргән. Лекин сақчи тәрәп 5‏6-миң адәм қатнашқан болуши мумкинликини билдүргән.

Бирақ, җүмә күнки намайиш хоңкоңда бейҗиңға наразилиқ билдүрүп, 2005‏-йили 1‏-июл күни елип берилған намайиштин буянқи әң зор көләмлик йиғилиштур.

Намайишчилар хоңкоңда омуми сайлам елип бериш, хитайдики бир партийилик түзүмни бикар қилиш вә түрмидики өктичиләрни қоюп беришни тәләп қилған. Намайишчилар йәнә, хитай һөкүмитиниң хоңкоң сиясий, иқтисади турмушини контрол қилишни күчәйтиватқанлиқиға наразилиқ билдүрүп, “бир дөләттә икки түзүм” гә садиқ болушни тәләп қилған.

Хоңкоң мәмури райони һөкүмити келәр йилдин башлап хоңкоңдики башланғуч мәктәпләрдә “җуңго вәтәнпәрвәрлик тәлим-тәрбийә дәрслики” ниң мәҗбурий өтүлидиғанлиқини қарар қилған. Лекин, бу қарар демократларниң тәнқидигә учрап, хоңкоңлуқ өсмүрләрниң меңисини компартийиниң вәтәнпәрвәрлик тәшвиқати билән ююшни мәқсәт қилған дәп әйибләнгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт