Xongkongda démokratik küchler zor kölemlik namayish qilip, béyjing da'irilirini xongkongni kontrol qilishqa urunmasliqqa agahlandurdi

Xongkongluqlar‏ 1-iyul küni xongkongning xitaygha qayturup bérilgenlikining 14 yilliqi munasiwiti bilen zor kölemlik namayish qilip, béyjingni xongkongni kontrol qilishqa urunmasliqqa agahlandurdi shundaqla siyasiy erkinlikni kéngeytishni telep qildi.
Muxbirimiz erkin
2011-07-01
Share

Öktichiler namayishqa 220 ming adem qatnashqanliqini ilgiri sürgen. Lékin saqchi terep 5‏6-ming adem qatnashqan bolushi mumkinlikini bildürgen.

Biraq, jüme künki namayish xongkongda béyjinggha naraziliq bildürüp, 2005‏-yili 1‏-iyul küni élip bérilghan namayishtin buyanqi eng zor kölemlik yighilishtur.

Namayishchilar xongkongda omumi saylam élip bérish, xitaydiki bir partiyilik tüzümni bikar qilish we türmidiki öktichilerni qoyup bérishni telep qilghan. Namayishchilar yene, xitay hökümitining xongkong siyasiy, iqtisadi turmushini kontrol qilishni kücheytiwatqanliqigha naraziliq bildürüp, “Bir dölette ikki tüzüm” ge sadiq bolushni telep qilghan.

Xongkong memuri rayoni hökümiti kéler yildin bashlap xongkongdiki bashlan'ghuch mekteplerde “Junggo wetenperwerlik telim-terbiye dersliki” ning mejburiy ötülidighanliqini qarar qilghan. Lékin, bu qarar démokratlarning tenqidige uchrap, xongkongluq ösmürlerning méngisini kompartiyining wetenperwerlik teshwiqati bilen yuyushni meqset qilghan dep eyiblen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet