Xongkongluqlar amérika prézidénti barak obamani xitaygha bésim ishlitishke chaqirdi

Bügün xongkongdiki bir qisim ammiwi teshkilatlar namayish uyushturup amérika prézidénti barak obamani xitaygha élip baridighan ziyariti jeryanida, hazir türmide yétiwatqan yazghuchi lyu shawboni qoyup bérish heqqide xitaygha bésim ishlitishke chaqirdi.
Muxbirimiz irade
2009-10-23
Share

Namayishchi guruppilar teyyarlighan chaqiriqnamige xongkong we xitayda turushluq kishilik hoquq teshkilatliridin 73 i qol qoyghan, namayishchilar amérikining xongkungda turushluq elchixanisigha qarap yürgen.

Xongkong kishilik hoquq adwokatliri jem'iyiti bashliqi muxbirlargha qilghan sözide : "biz amérika prézidénti barak obamani nobél ténchliq mukapatining menisini toluq chüshinip yétip, xitayning türmide yétiwatqan barliq yazghuchi we wijdan mehbuslirini qoyup bérishini telep qilishini muraji'et qilimiz," dédi.

Ular yene barak obamaning, téxi yéqindila amérika awam palatasining lyu shawboni qoyup bérish heqqide chiqarghan qararnamisini untup qalmasliqini eskertti.

Amérika prézidénti barak obamaning noyabirda xitaygha élip baridighan prézidént bolghandin kéyinki tunji ziyariti hazir xitaygha munasiwetlik tereplerning alahide diqqitini qozghimaqta. Teywen, tibet we Uyghurlar barak obamaning bu qétimliq xitay ziyaritidin zor ümidlerni kütmekte. Ular obamaning kishilik hoquq mesilsini xitay bilen körüshishini we bu jehette xitaygha bésim ishlitishini ümid qilmaqta.
 
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet