Amérika Uyghur uyushmisi ayropilan bulash jinayiti artilip ölüm jazasigha höküm qilin'ghan 3 Uyghur üchün naraziliq bayanati élan qildi

Amérika Uyghur uyushmisi 12-dékabir küni tor békitide bayanat élan qilip, xitay hökümiti teripidin ayropilan bulash jinayiti artilghan, ölüm jazasigha höküm qilin'ghan musa yüsüp ershidin qari imin we ömer iminlargha ölüm jazasi, yene bir nepirige muddetsiz qamaq jazasi bérilgenlikini eyiblidi.
Muxbirimiz méhriban
2012.12.12

Bayanatta yene xitayning “Yer shari waqti” gézitining maqale élan qilip, rabiye qadir xanim we Uyghur démokratik herikitini qarilighanliqini tenqid qilindi.

Dunya Uyghur qurultiyi re'isi rabiye qadir xanim bügün erkin asiya radi'osining ziyaritini qobul qilip, xitay hökümitining Uyghurlargha qaratqan dölet derijilik térrorluq basturush siyasiti öz erkinlikini telep qiliwatqan Uyghurlarning qarshiliq heriketlirige seweb boluwatqan asasi amil ikenlikini tekitlep, dunya jama'etchilikini sherqiy türkistandiki Uyghurlar basturuluwatqan weziyetke diqqet qilishqa chaqirdi.

Xitay hökümet axbaratlirida tünügün, 11-dékabir küni bu yil 29-iyun küni xotende ayropilan bulash weqesini keltürüp chiqarghan dep eyiblinip qolgha élin'ghan Uyghurlarning 3 nepirige ölüm jazasi bérilgenlikini xewer qilghandin kéyin, dunya Uyghur qurultiyi bayanatchisi dilshat rishit gherb axbarat wasitiliride bayanat élan qilip, xitay da'irilirining bu üch neper Uyghurgha ölüm jazasidin ibaret éghir jaza bérishi xitayning siyasiy meqsitini ipadileydighanliqini bildürüp, Uyghurlarning xitayda eng qattiq basturulushqa uchrawatqanliqini tekitligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.