Xotendiki weqe sheherdiki xitay sodigerlerning tijaritige éghir tesir körsetti
2011.07.25
Weziyettiki ensizchilik sewebidin, yéqinqi bir hepte ichide xoten shehirige kélidighan xitay we chet'ellik sayahetchilerningmu sanida töwenlesh bolghan. Xotenning qashtéshi baziridiki chü famililik bir xitay sodiger, eslide özining herküni 150 ming yüenlik soda qilidighanliqini, bir heptidin béri künlük sodisining 2 ming yüen'ge chüshüp qalghanliqini éytqan.
Yene bir neper xitay tijaretchining muxbirgha bildürüshiche, weqe yüz bergendin kéyin uning yurtidiki uruq-tughqanliri köp qétim téléfon qélip, uni xotendin qaytip kélishke dewet qilghan. Yene bir neper xitay ayal xotende heqiqiten yaxshi pul tépiwatqanliqini, emma sheherdiki ensizchilik sewebidin bu puldinmu waz kéchishni oylawatqanliqini bayan qilghan.
Jenubiy junggo seher gézitining muxbiri, qashtéshi baziridiki xitay dukanlirining yérimidin köprekining mushu hepte axirida échilmighanliqini körgen. Xewerde bildürülüshiche, muxbir yene xoten sheher ichidiki xelq meydani we chong bazarda shenbe we yekshenbe künliri xitay puqralirini uchratmighan.
Köp körülgen xewerler
RFA
- Uyghurlar “Jungxu'a milliti” emes, xitay éytimidiki “Anarning danisi” mu emes!
- Doktor erkin sidiq: “Pa'aliyitimiz arqiliq Uyghurlarning yoqap ketmigenlikini we yoqap ketmeydighanliqini ispatlaymiz!”
- Almutadiki Uyghur jama'iti 1-öktebir “Matem küni” de weten shéhitlirini yad etti
- Xitayning mustemlike ma'aripida yoq qiliniwatqan Uyghur tili
- Yaponiye we awstraliyede xitayning Uyghur élini bésiwalghanliqining 75 yilliqigha naraziliq bildürüldi