Xoten wilayetlik sot ikki Uyghurni türme jazasigha höküm qildi
Bu heqte toxtalghan Uyghur milliy herikitining rehbiri, xelq'ara Uyghur démokratiye we kishilik hoquq jem'iyitining re'isi rabiye qadir xanim, her ikkila namayishning tinch yosunda élip bérilghan namayishlar ikenlikini, emma bu ikki yashqa bérilgen éghir jazalarning xitay hökümitining Uyghur öktichilerge qaratqan qattiq siyasetlirini ashkarilaydighanliqini ilgiri sürgen.
Rabiye qadir xanim mundaq dégen: " bayraq chiqirishqa urunushtek kichikkine heriketlermu, nechche yilliq qamaq bilen jazalinidu. Buni menmu béshimdin ötküzgen bolup, bu wehshiylik hem insan qélipidin chiqqanliq."
Melum bolushiche, abduqadir mexsum xitay türmiside namelum sewebler tüpeyli hayatidin ayrilghan Uyghur wetenperwer sodigerning ölümige naraziliq bildürüp, 2008 - yili 27 - féwral, xotende namayish teshkilligen bolup, uninggha 15 yilliq qamaq jazasi bérilgen.
Uningdin bashqa yene, xotenlik yash memet éli exetke, sherqi türkistanning ay yultuzluq kök bayriqini xoten sheher merkizidiki sabiq xitay re'isi mawning heykilige ésishqa urun'ghan dégen jinayet bilen 8 yilliq qama jazasi bérilgen.
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
- Xitay qaramayda tunji bolup sinaq qiliwatqan eqliy iqtidarliq charlighuchi mashina qandaq nerse?
- Norwégiyede “Sherqiy türkistan erkinlik longqisini talishish” putbol musabiqisi bashlandi
