Ху җинтав ‏5 - июл вәқәсидин кейин уйғур елидә рәсмий хизмәт тәкшүрди

Шинхуа ахбаратниң 25 - авғуст елан қилишичә, хитай рәиси ху җинтав уйғур елидә мәхсус тәкшүрүш елип барған, сәйшәнбә күни у уйғур елидики хитай коммунистик партийә, һөкүмәт әмәлдарлириға йиғин уюштуруп, " дөләт ғәрбни ечиш истратегийсини әмәлийләштүрүватқан қиммәтлик пурсәттә, бир қолда муқимлиқни, милләтләр иттипақлиқни, йәнә бир қолда ислаһат вә тәрәққиятни чиң тутуш" йолйоруқи бәргән.

Мухбиримиз гүлчеһрә
2009.08.25

Ху җинтав йәнә, мәхсус 5 - июл үрүмчи вәқәси һәққидә тохтилип, бу вәқәни "чәтәлдики вә чегра ичидики үч хил күчләрниң бирлишип пиланлиқ елип барған, уруп - чеқиш, өлтүрүш, от қоюш зораванлиқ һәрикити" дәп тәкитлигән һәмдә ‏5 - июл үрүмчи вәқәсини тинҗитишқа қатнашқан һәм һазирға қәдәр уйғур елидә туруватқан хитай қораллиқ әскәр, сақчи қисимлириға рәһмәт ейтқан.

Ху җинтав мәхсус доклатида, уйғур елидики кадирларға йәнә иқтисадни тәрәққий қилдурушни ядро қилишта тәврәнмәслик, җәмийәт муқимлиқни сақлашта тәврәнмәслик, һәр милләтләр ортақ иттипақлишип күрәш қилишта тәврәнмәсликтәк үчтә тәврәнмәслик идийиси бойичә вәзипини орунлашни, муқимлиқниң һәммини бесип чүшидиғанлиқини қайта әскәрткән.

5 - Июл үрүмчи вәқәси йүз бәргән пәйттә, ху җинтав 20 дөләт алий дәриҗиликләр учришиши үчүн италийидә зиярәттә иди, вәқә йүз бәргәнлик хәвирини аңлиған ху җинтав йиғин пиланини бикар қилип дәрһал хитайға қайтқан вә уйғур елигә әскәр киргүзүш буйруқи бәргән.

Хәвәрләрдин ашкарилинишичә, хитай рәиси ху җинтавниң 5 - июл вәқәсидин кейин үрүмчидики бу тунҗи қетимлиқ зиярити интайин қаттиқ бихәтәрлик васитилири астида елип берилған болуп, һәтта униң зиярити хитай ахбаратлирида үч күндин кейин рәсмий елан қилинишқа башлиған, қисқа учурлардин кейин бу һәқтә тәпсилий мәлумат аңлайсиләр.

Мунасивәтлик хәвәрләр

Қисқа хәвәрләр

Көп көрүлгән хәвәрләр

RFA