Xu jintaw washin'gtonda ötküzülidighan yer shari yadro bixeterlik yighinigha qatnishidu

Xitay hökümiti xitay dölet re'isi xu jintawning bu ayning 12 - we 13 ‏- künliri amérika paytexti washin'gtonda ötküzülidighan yer shari yadro bixeterlik yighinigha qatnishidighanliqini élan qildi. Lékin xitay tashqi ishlar ministirliqi bayanatchisi chin gang xu jintawning washin'gtondiki ikki künlük yighin mezgilide prézidént obama bilen ayrim uchrishidighan yaki uchrashmaydighanliqini tilgha almighan.
Muxbirimiz erkin
2010-04-02
Share

Birleshme axbarat agéntliqining eskertishiche, amérika -xitay munasiwitide yéqindin béri amérikining teywen'ge qoral - yaraq sétip bérish qarari, prézidént obamaning dalay lamani aqsarayda kütüwélishi we ikki dölet arisidiki soda hem pul - mu'amilige munasiwetlik mesililerde tughulghan ixtilaplar sewebidin jiddiychilik peyda bolghan idi.

Aqsarayning ashkarilishiche, prézidént obama peyshenbe küni xu jintaw bilen téléfonda sözliship, amérika bilen xitay "iranning xelq'ara mejburiyitini ada qilishigha kapaletlik qilish üchün hemkarlishishning muhimliqi"ni tekitligen. Xitay amérikining iran'gha imbargoni kücheytish toghrisidiki pilanigha izchil qarshi chiqip kelgen idi.

Xitayning bu mesilidiki pozitsiyisi aldinqi küni bir az yumshap, imbargo toghrisidiki muzakirige qatnishidighanliqini jakarlighan. Amérika bolsa xitay terepning bu qararini qarshi alidighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.