Xitaydiki eng chong yadro exletlirini bir terep qilish zawuti gobi chölige yasalmaqchi

Munasiwetlik xadimlar xitaydiki eng chong yadro exletlirini bir terep qilish zawutining gherbi shimal rayonidiki gobi chölige yasaydighanliqini ashkarilidi.
Muxbirimiz jüme
2010.11.27
Share on WhatsApp
Share on WhatsApp

"Jenubi xitay seher géziti"de xewer qilinishiche, bu heqtiki uchurlarni xitay muhit qoghdash ministirlikidiki yadro exletlirini bir terep qilish we toshush bölümning diréktori shyaw mingchang ashkarilighan.

Xewerge qarighanda, mezkur zawutni qurush pilani, xitay prézidénti xu jintawning fransiye ziyariti jeryanida xitay bilen fransiye yadro exletlirini bir terep qilish shirkiti otturisida imzalan'ghan kélishimidin kéyin otturigha chiqqan.

Melum bolushiche, xitayda yasilidighan, mezkur yadro qalduqlirini bir terep qilish zawuti xitay boyiche eng chong zawut hésablinidiken.

Bu zawutta xitaydin chiqidighan yadro exletliri bir terep qilinipla qalmay, xitay chet'ellerdiki chong yadro ré'aktorliridin import qilghan exletlermu bir terep qilinidiken.

Xewerde körsitishiche, bu xildiki zawutlar intayin zor miqdarda su ishlitidighan bolghachqa, dunyaning hemme yéride déngiz boyigha yéqin jaylargha yasilidiken. Halbuki xitayda zawutning susiz chölge yasilishi tolimu ghelitilik hésablinidiken.

Bu xildiki zawutlarning muhit we salametlikke körsitidighan eks tesiri intayin éghir bolghachqa, bashqa jaylarda yasash ruxsetnamisi élish intayin qiyin'gha toxtaydiken.

Xewer qilinishiche, hetta xitayning déngiz boyidiki sheherliri mezkur zawutning öz rayonigha qurulushigha qarshi turghan.

Ilgiri bir qisim mutexessisler, xitayning yadro exletlirini Uyghur élidiki teklimakan qumluqigha kömüp bir terep qiliwatqanliqini ilgiri sürüshken idi. Halbuki, shyaw mingchang zawutning konkrétni zadi qeyerge yasilidighanliqini bildürmigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.