Җәнубий корийә, америка вә японийиләр бирликтә һәрбий маневир елип барди

Җәнубий корийә бүгүн америка, австралийә вә японийә билән бирликтә деңиз армийиси һәрбий маневир елип барди. Бир күн давам қилған бу қетимлиқ һәрбий мәшиқ қанунсиз қоралларни деңиз йоли арқилиқ йөткәш паалийәтлиригә қарши елип берилған.
Мухбиримиз ирадә
2010.10.14

Бирләшмә агентлиқиниң хәвәр қилишичә, мәзкур һәрбий маневир шималий корийиниң наразилиқини қозғиған. Улар маневир башлаштин бурунла җәнубий корийини бу һәқтә агаһландурған шундақла җәнубий корийиниң америка башчилиқидики қанунсиз қоралларни йөткәшкә қарши һәрикәткә қатнишишини шималий корийигә қарши қилинған бир һәрикәт дәп баһалиған.

Қанунсиз қоралларни йөткәшкә қарши күрәш программисиға 90 дин артуқ дөләт әза болуп, 2003 - йилидин бери давам қилип кәлгән.

Мәлум болушичә, бу һәрбий маневирға 10 парахот вә бир қанчә тик учар айропиланлар қатнаштурулған болуп, маневир җәнубий корийә, японийә арилиқидики деңиз тәвәликидә елип берилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.