Yüzligen yaponiyilik tokyoda xitaygha qarshi namayish qildi

22 - Séntebir yüzligen yaponiyilik tokyoda xitaygha qarshi namayish qilip xitayning sénkaku arilining igilik hoquq mesilisidiki meydanigha étiraz bildürdi.
Muxbirimiz jüme
2012.09.22


Namayishni “Yaponiye algha” namliq bir milletchi teshkilat uyushturghan. Namayishqa minggha yéqin adem chiqqanliqi ilgiri sürülmekte.

Namayishchilar kötürüwalghan bezi plakatlargha “Xitayni kechürmeymiz”, “Biz wetinimizni qoghdighudek qudretke ige” dégen'ge oxshash sho'arlar yézilghan.

Namayishchilar yangratqular bilen xitaygha qarshi yuqiri awazda sho'arlarni towlighan bolsimu, namayishni intayin tertiplik yosunda dawamlashturdi.

Namayishchilarning 4, 5 tin bolup xitay elchixanisi aldighan bérip sho'ar towlishigha yol qoyulghan bolup, bezi namayishchilar xitay elchixanisigha qarap “Chiqishe bu yaqqa” dep warqirap ghezipini ipadileshti.

Yaponiye sénkaku arallar guruppisining bir qisimni hökümet igidarchiliqigha ötküzüwalghinidin kéyin, xitayda keng kölemlik qarshiliq namayishi partlighan. Namayishlarda yaponiye elchixanisi hujumgha uchrighan, yaponiye aptomobilliri pachaqlan'ghan idi.

Halbuki tokyodiki namayish intayin tinch yosunda dawam qildi. Bu heqte toxtalghan bir namayishchi : biz xitaylargha oxshimaydighan halda namayishni tinch ötküzüwatimiz. Mana bu yaponche usul, dep warqiridi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.