Yaponiye xitay béliqchilar kémisining kapitanini qoyup bermekchi boldi, lékin xitay 4 neper yaponiyilik sayahetchini tutqun qildi

Yaponiye teptish da'iriliri jüme küni aldinqi hepte yaponiye déngiz tewelikige qanunsiz kirgenlik sewebidin tutqun qilin'ghan xitay béliqchilar kémisining kapitanini qoyup bérishni qarar qilghanliqini élan qildi.
Muxbirimiz erkin
2010.09.24
Share on WhatsApp
Share on WhatsApp

Bu weqe xitay - yaponiye munasiwitide jiddiylik peyda qilip, xitay yaponiye bilen bolghan ministir derijilikler uchrishishini tonglatqan. Wén jyabaw peyshenbe küni nyuyork shehiride muxbirlargha söhbet élan qilip, yaponiyige tehdit salghan idi.

Közetküchiler xitay kapitanining qoyup bérilishi otturidiki jiddiychilikni peseytish rolini oynishidin ümid kütüwatqan bir peytte xitay terep, 4 neper yaponiyilik sayahetchining shijyaju'angdiki bir herbiy esliheni süretke alghanliq sewebidin tutqun qilin'ghanliqini élan qildi.

Yaponiyilik sayahetchilerning tutqun qilinish weqesi yaponiye teptish da'iriliri xitay béliqchilar kémisi kapitanining qoyup bérilidighanliqini élan qilishtin sel burun yüz bergen.

Shinxu'a agéntliqi yaponiyilik sayahetchilerning shijyaju'angdiki cheklen'gen bir herbiy da'irige ruxsetsiz kirip, süretke alghanliq sewebidin xitay dölet bixeterlik da'iriliri teripidin tutup qélin'ghanliqini ilgiri sürgen.

Lékin, birleshme agéntliqining eskertishiche, yaponiyilik sayahetchiler bu rayon'gha 2‏ - dunya urushida yaponiye armiyisi qaldurup ketken ximiyilik qorallarni tekshürüsh üchün kirgenlikini ilgiri sürgen.

Xitayda tutulghan bu yaponiyilikler fujita namliq qurulush we sheher tereqqiyat shirkitining xadimliri bolup, mezkur shirket "ularning tézrek qoyup bérilishini ümid qilidighanliqi"ni bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.