Yaponiye bash ministiri xitayni xelq'ara jem'iyetning mes'uliyetchan ezasi bolushqa chaqirdi

Yaponiye bash ministiri na'oto kan jüme küni, xitay - yaponiye munasiwiti heqqide söhbet élan qilip, xitayni "xelq'ara jem'iyetning mes'uliyetchan ezasi bolushqa" chaqirdi shundaqla xitay hökümitining herbiy sélinmisi we déngizdiki herbiy pa'aliyitidin endishe qiliwatqanliqini bildürdi.
Muxbirimiz erkin
2010.10.01
Share on WhatsApp
Share on WhatsApp

Na'oto kan bu sözlerni yéqinda yaponiyining sénkaku taqim arallirigha yéqinlashqan bir xitay béliqchilar kémisini tutup qélip, qoyup bergen, xitay bolsa 4 neper yaponiyilik sayahetchini cheklen'gen rayon'gha kirgenlik sewebidin tutup qalghanliqini élan qilip, 3 sayahetchini jüme küni qoyup bergenlikini élan qilghan mezgilde tekitligen.

Yuqiriqi weqeler ikki dölet munasiwitining jiddiyliship, yéqinqi 30 yildin buyanqi eng nachar ehwalgha chüshüp qélishini keltürüp chiqarghan idi. Bash ministiri na'oto kan mundaq dégen" biz xitayning dölet mudapi'e küchini mexpiy tereqqiy qilduruwatqanliqidin shundaqla uning sherqiy asiya déngizi we hindi okyan rayonidiki herbiy pa'aliyitidin endishe qilimiz" ... "Biz xitayning toghra rol oynishini we xelq'ara jem'iyetning mes'uliyetchan ezasi bolushini kütimiz."

Xitay hökümiti béliqchilar kémisini tutup qélish weqesidin kéyin, yaponiyining xitaydin epu sorishini telep qilghan bolsimu, lékin yaponiye xitay terepning telipini ret qilghan idi.
 
Yaponiye -xitay munasiwitining jiddiylishishige egiship, xitay hökümiti yaponiyige sayahet qilidighan xitay sayahetchilirini agahlandurdi. Da'iriler yaponiyidiki ong qanat milletchi guruhlarning yaponiyide sayahette boluwatqan bir guruppa xitay sayahetchige parakendichilik salghanliqini bahane qilip, xitay puqralirini yaponiyige sayahet qilishtin agah bolushqa chaqirghan.
 
Yaponiye bash ministiri xitayning herbiy tereqqiyati we déngizdiki pa'aliyitidin bi'aram boluwatqanliqini bildürgen bolsimu, lékin yaponiye tashqi ishlar ministiri méxara jüme küni eskertip, xitay bilen bolghan di'alogqa éshikining ochuqluqini bildürdi.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.