Yaponiye, xitayni yadro qoralliri tereqqiyati jehette ochuq - ashkara bolmidi dep eyiblidi

Yaponiye tashqi ishlar ministiri xrofumi nakasoné, xitay da'irilirini yadro qoralliri tereqqiyati jehette ochuq ‏ - ashkara bolmidi dep eyiblidi.
Muxbirimiz jüme
2009-04-27
Share

Roytérsta neqil qilinishiche, amérika prézidénti barak obamaning " yadro qoralliri bolmighan dunya" qarishini qollaydighanliqini bildürgen yaponiye tashqi ishlar ministiri, " xitay yadro qorallirini barghanche éghirlashturuwatidu, u hazirghiche yadro qorallirini qisqartish jehette héchqandaq tedbir qollan'ghini hemde yadro qorallirining sani heqqidimu héchqandaq uchur bergini yoq," dédi.

Xrofumi nakasoné yene, yaponiyining kéler yili 2010 - yilidiki yadro qorallirini qisqartish shertnamisige qarap chiqish yighinidin ilgiri yadro qorallirini cheklesh xelq'araliq ilmiy muhakime yighinigha sahibxan bolidighanliqini uqturghan.

Xitayning herbiy xam chotida ashkara bolmasliq mesilisi nurghun döletlerni bi'aram qilip kéliwatqan mesilerning biri.

Xitay 2008 - yili herbiy xam chotini 2007 - yilidikige qarighanda 17 pirsenttin yuqiri nisbette köpeytidighanliqini uqturghandin kéyin, bu , dunya xaraktérlik inkas qozghighan hemde bezi herbiy sahediki mutexessisler xitayning emeliy herbiy sélinmisining élan qilghandikidinmu yene nechche hesse yuqiri bolushi mumkinlikini ilgiri sürgen idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet