Японийә, хитайниң 4 японийиликкә өлүм җазаси бәрмәкчи болғанлиқидин 'үмидсизләнгән'лини билдүрди

Японийә ташқи ишлар министири катсуя окада җүмә күни хитайниң токйодики баш әлчиси чең юңхуани чақиртип, хитай даирилириниң аз дегәндә 3 японийәликкә зәһәрлик чекимлик әткәсчилики сәвәбидин өлүм җазаси бәрмәкчи болуватқанлиқидин 'үмидсизләнгән'лини билдүргән.
Мухбиримиз әркин
2010-04-02
Share

Бу һәқтики хәвәрләрдә өлүм җазасиға һөкүм қилинған 65 яшлардики митсунобу аканоға өлүм җазаси берилип, дүшәнбә күни иҗра қилинмақчи болуватқанлиқини, охшаш җинайәт билән өлүм җазасиға һөкүм қилинған японийиликләрдин йәнә 3 кишиниң барлиқини, бу кишиләрниң 2007‏ - йили өлүм җазасиға буйрулғанлиқини илгири сүргән. Әгәр аканониң өлүм җазаси иҗра қилинса, у японийә-хитай дипломатик мунасивәт орнатқан 1972 ‏- йилдин бери хитайда өлүм җазаси берилип, иҗра қилинған тунҗи японийилик болуп қалиду.

Японийә ташқи ишлар министирлиқиниң исмини ашкарилашни халимайдиған әмәлдарлириниң әскәртишичә, японийә ташқи ишлар министири окада хитай баш әлчиси чең юңхуаға өлүм җазасиға даир хәвәрләрниң өзлиридә "үмидсизлик" яратқанлиқини ипадилигән. Окада 2006‏ - йили сентәбирдә далйән айродромида қолға елинип, 2008‏ - йили өлүм җазасиға һөкүм қилинған иди.

Хитайда һәр йили өлүм җазасиға һөкүм қилинидиғанларниң сани дуняниң башқа дөләтлиридә өлүм җазасиға һөкүм қилинғанларниң омуми саниниң йиғиндисидин көп. Йеқинда хәлқара кәчүрүм тәшкилати баянат елан қилип, бейҗиң даирилирини һәр йили қанчилик кишигә өлүм җазаси бериливатқанлиқини ашкара елан қилишқа чақирған. 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт