Yaponiye, xitayning 4 yaponiyilikke ölüm jazasi bermekchi bolghanliqidin 'ümidsizlen'gen'lini bildürdi

Yaponiye tashqi ishlar ministiri katsuya okada jüme küni xitayning tokyodiki bash elchisi chéng yungxu'ani chaqirtip, xitay da'irilirining az dégende 3 yaponiyelikke zeherlik chékimlik etkeschiliki sewebidin ölüm jazasi bermekchi boluwatqanliqidin 'ümidsizlen'gen'lini bildürgen.
Muxbirimiz erkin
2010-04-02
Share

Bu heqtiki xewerlerde ölüm jazasigha höküm qilin'ghan 65 yashlardiki mitsunobu akanogha ölüm jazasi bérilip, düshenbe küni ijra qilinmaqchi boluwatqanliqini, oxshash jinayet bilen ölüm jazasigha höküm qilin'ghan yaponiyiliklerdin yene 3 kishining barliqini, bu kishilerning 2007‏ - yili ölüm jazasigha buyrulghanliqini ilgiri sürgen. Eger akanoning ölüm jazasi ijra qilinsa, u yaponiye-xitay diplomatik munasiwet ornatqan 1972 ‏- yildin béri xitayda ölüm jazasi bérilip, ijra qilin'ghan tunji yaponiyilik bolup qalidu.

Yaponiye tashqi ishlar ministirliqining ismini ashkarilashni xalimaydighan emeldarlirining eskertishiche, yaponiye tashqi ishlar ministiri okada xitay bash elchisi chéng yungxu'agha ölüm jazasigha da'ir xewerlerning özliride "ümidsizlik" yaratqanliqini ipadiligen. Okada 2006‏ - yili séntebirde dalyen ayrodromida qolgha élinip, 2008‏ - yili ölüm jazasigha höküm qilin'ghan idi.

Xitayda her yili ölüm jazasigha höküm qilinidighanlarning sani dunyaning bashqa döletliride ölüm jazasigha höküm qilin'ghanlarning omumi sanining yighindisidin köp. Yéqinda xelq'ara kechürüm teshkilati bayanat élan qilip, béyjing da'irilirini her yili qanchilik kishige ölüm jazasi bériliwatqanliqini ashkara élan qilishqa chaqirghan. 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet