Yaponiyining yéngi tashqi ishlar ministiri xitaygha qattiq qol bolidighanliqining bisharitini berdi

Yaponiye démokratlar partiyisining ong qanat konsérwatip siyasetchiliridin sabiq qatnash ministiri séyji méxara jüme kündin bashlap sabiq yaponiye tashqi ishlar ministiri okadaning wezipisini ötküzüwélip, yaponiyining tashqi ishlar ministirliq ornigha olturdi.
Muxbirimiz erkin
2010.09.17
Share on WhatsApp
Share on WhatsApp

Méxara yaponiye - xitay munasiwiti sherqiy déngizdiki bezi taqim arallarning igilik hoquqni talishish yüzisidin jiddiyleshken mezgilde bu w wezipini tapshuruwalghan bolup, u zémin igilik hoquq mesiliside xitaygha qattiq qol bolidighanliqining bisharitini bergen.

Fransiye axbarat agéntliqining eskertishiche, méxara wezipige olturushtin sel burun yaponiyining ishigaki taqim arilidiki déngiz sahili qoghdash qisimlirini közdin kechürüp, " qandaq bolushidin qet'iy nezer, sherqiy junggo déngizida térritoriyilik mesile mewjut emes. Biz yaponiyining zémin pütünlük mesiliside üzül - késil we qet'iy pozitsiyide turushimiz kérek" dégen.

Yaponiye déngiz sahilini qoghdash qisimlirining yéqinda xitay béliqchilar kémisini tutup qélishi, xitay hökümitining naraziliqini qozghapla qalmay, xitay puqralirida yaponiyige qarshi öchmenlik qozghighan idi.

Bu weqe 18" séntebir weqesi"ning 69 yilliq xatire küni harpisigha toghra kelgenliktin xitaydiki bezi milletchi ammiwi guruhlar we oqughuchilar teshkilatliri shenbe küni béyjingda yaponiyige qarshi namayish uyushturushni pilanlighan. Metbu'at xewerliride ashkarilishiche, xitay hökümiti yaponiyige qarshi namayishqa deslepte süküt qilghan bolsimu, lékin jüme kündin bashlap, da'iriler oqughuchilardin namayish qilmasliqni, muqimliqni saqlashni telep qilghan.
 
Yaponiye jüme küni xitay da'irilirining yaponiye - xitay arisida talash - tartishtiki sherqiy déngiz rayonigha gaz qézish eslihelirini yollighanliqini eyiblidi.

Yaponiye hökümiti xitay terepning herikitini ikki dölet arisidiki eng éghir diplomatik ixtilap, dégen.


 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.