Японийә һөкүмити хитайни хәлқара деңиз тәвәлики сотиға әрз қилмақчи

Японийә һөкүмити хитайниң шәрқий деңизда тәбиий газлиқ қурулуши елип бериватқанлиқиға қарши хәлқара деңиз тәвәлики сотиға әрз сунидиғанлиқини билдүрди.
Мухбиримиз җүмә
2010-02-22
Share

Мәлум болушичә, японийә хитайниң шәрқий деңиздики тәбиий газ қурулушини өткән айда японийидә зиярәттә болған хитай ташқи ишлар министири яң җйечиниң сәмигиму салған.

Японийә ташқи ишлар министири катсуя окада әпәнди, әгәр хитай шәрқий деңизда өз алдиға газ бурғилиса, буниң икки дөләт арисидики келишимләргә хилап икәнликини, өз алдиға газ бурғилашни давамлаштурса, хәлқара р сотқа әрз сунмақтин өзгә чарә йоқлуқини билдүргән.

Сода һәптилики журнилида көрситишичә, хитай вә японийә шәрқий деңизни бирликтә ечиш келишимини 2008 ‏ - йили һазирлиған. японийә хитайниң японийә чегрисиға йеқин җайдики талаш ‏ - тартиш қилиниватқан деңизда тәбиий газ бурғилишиға етираз билдүргән.

Японийә ички кабинет баш катипи хирофуми хирано дүшәнбә күни, "әгәр хитай келишим мәзмунлириға риайә қилмиса биз мунасип тәдбирләрни елишни ойлишимиз" деди.

Шәрқий деңиз тәвәлики мәсилиси хитай - японийә арисидики назук темиларниң бири болуп кәлмәктә иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт