Yaponiye hökümiti xitayni xelq'ara déngiz teweliki sotigha erz qilmaqchi

Yaponiye hökümiti xitayning sherqiy déngizda tebi'iy gazliq qurulushi élip bériwatqanliqigha qarshi xelq'ara déngiz teweliki sotigha erz sunidighanliqini bildürdi.
Muxbirimiz jüme
2010.02.22
Share on WhatsApp
Share on WhatsApp

Melum bolushiche, yaponiye xitayning sherqiy déngizdiki tebi'iy gaz qurulushini ötken ayda yaponiyide ziyarette bolghan xitay tashqi ishlar ministiri yang jyéchining semigimu salghan.

Yaponiye tashqi ishlar ministiri katsuya okada ependi, eger xitay sherqiy déngizda öz aldigha gaz burghilisa, buning ikki dölet arisidiki kélishimlerge xilap ikenlikini, öz aldigha gaz burghilashni dawamlashtursa, xelq'ara r sotqa erz sunmaqtin özge chare yoqluqini bildürgen.

Soda heptiliki zhurnilida körsitishiche, xitay we yaponiye sherqiy déngizni birlikte échish kélishimini 2008 ‏ - yili hazirlighan. Yaponiye xitayning yaponiye chégrisigha yéqin jaydiki talash ‏ - tartish qiliniwatqan déngizda tebi'iy gaz burghilishigha étiraz bildürgen.

Yaponiye ichki kabinét bash katipi xirofumi xirano düshenbe küni, "eger xitay kélishim mezmunlirigha ri'aye qilmisa biz munasip tedbirlerni élishni oylishimiz" dédi.

Sherqiy déngiz teweliki mesilisi xitay - yaponiye arisidiki nazuk témilarning biri bolup kelmekte idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet