Японийә хитайниң шәрқий деңиздики иғвагәрчиликигә қарши һәрбий маневир елип бариду

Японийиниң қуруқлуқ, деңиз вә һава армийә мудапиә қисимлири бу йил 12 - айда бирләшмә һәрбий мәшиқ өткүзмәкчи. Игилинишичә, бу хитайниң шәрқий деңиздики һәрбий кеңәймичиликигә қарши елип берилидиған "аралларни қоғдаш" мәшиқи икән.
Мухбиримиз ирадә
2010.08.19
Share on WhatsApp
Share on WhatsApp

Б б с ниң билдүрүшичә, бүгүн японийидә чиқидиған нуқтилиқ гезитләрдин бири мунасивәтлик даириләрдин алған учурға асасән мәзкур хәвәрни тарқатқан. Бу японийидики һәрқайси қисимларниң тунҗи қетим бирләшмә маневир елип бериши һесаблинидикән.

Игилинишичә, бу маневир америка - японийә бирләшмә һәрбий маневириниң бир тәркиби қисми болуп, америкиниң 7 - флоти мәшиққә ярдәм беридикән.

Мунасивәтлик һәрбий әмәлдарниң гезит мухбириға ейтишичә, илгири японийә әтраптики қошна дөләтләрниң сиясий әндишиси түпәйлидин чоң көләмлик һәрбий маневир өткүзмәй кәлгән. Әмма йеқиндин бери хитайниң окинава вә ғәрбий җәнубтики һәрқайси аралларда чоң көләмлик һәрбий маневирларни өткүзүп иғвагәрчилик қилиши, хитай деңиз армийисиниң райондики паалийәтлириниң көпийип қалғанлиқидин дерәк беридикән.

Бу хил вәзийәт японийиниң хәвпсизликигә бәлгилик дәриҗидә хәвп йәткүзгән болуп, японийә бу қетимлиқ маневир арқилиқ өзиниң ғәрбий җәнубтики аралларни қоғдаштики иқтидарини намайән қилип, хитайни тезгинләшни мәқсәт қилған икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт