Yaponiye xitaydin epu sorimaydu

Yaponiye bash weziri na'oka kan sénkako arili teweside xitay paraxot xadimlirini tutqun qilish mesiliside xitaydin epu sorimaydighanliqini bildürgen bolup, buningdin ilgiri xitay terep yaponiye hökümitidin bu mesilide xitaydin epu sorishi hemde tölem tölüshini telep qilghan idi.
Muxbirimiz ümidwar
2010.09.26
Share on WhatsApp
Share on WhatsApp

B b s agéntliqining xewer qilishiche, yaponiye bash weziri "sénkako arili yaponiyining zémini, bu mesilide epu sorash we tölem tölesh mesilisini oylashmaymiz, men bu heqte pütünley inkas qayturush niyitide emes" dep tekitligen.

25 - Séntebir küni xitay tashqi ishlar ministirliki sénkako arili mesiliside qattiq inkas bildürüp, sénkako arilining junggoning zémini ikenliki, shunga yaponiyining tölem tölishi we bu qilmishi üchün junggodin epu sorishi lazimliqini telep qilghan.

Yaponiye bash wezirining jawabi yéqindin buyan yaponiye bilen xitay arisida kücheygen aral mesilisige a'it toqunushta yaponiye terepning eng aliy rehbirining tunji qétim küchlük inkas qayturushi bolup hésablinidiken.
 
Yaponiye tashqi ishlar ministirliqimu bu mesilini tekitlep, yaponiyining xitay paraxotlirini tosushidiki mesililerni özlirining qanuni boyiche bir terep qilghanliqi, shunga xitayning bu mesilidiki epu sorash we yaki tölem tölesh telipini qobul qilmaydighanliqi tekrarlighan.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.