Япон милләтчилири намайиш қилип японийиниң хитайға дипломатийә җәһәттә йеңилип қалғанлиқини әйиблиди

Шәнбә күни, бир қисим япон милләтчилири намайиш қилип, японийиниң хитайға дипломатийә җәһәттә йеңилип қалғанлиқини әйиблигән.
Мухбиримиз җумә
2010-10-02
Share

Франсийә агентлиқида көрситишичә, намайишқа 1500 әтрапида адәм қатнашқан болуп, улар токйодики "йогоги" бағчисиға йиғилған. Намайишчилар қоллирида японийиниң байриқини ләпилдитип "кан һөкүмитиниң хитай тәһдитигә баш әгкәнликигә һәргиз чидап туралмаймиз," дәп шоар товлиған.

Намайишни японийидики милләтчиләр тәшкилати уюштурған. Мәлум болушичә, японийиниң сабиқ һава мудапиә қисимлириниң штаб башлиқи тошио тамогами япон милләтчиләр тәшкилатиниң рәиси икән.

Тошио тамогами, японийини 2 - дуня урушидин кейин японийидә шәкилләнгән "тинчлиқпәрвәр амилларни тазилаш" қа чақирип, мақалә елан қилғандин кейин, 2008 - йили өктәбирдә вәзиписидин қалдурулған.

Тамогами бу һәқтә елан қилған баянатида, "хитай 'сенкаку араллириниң игилик һоқуқи бизниң' дәп җакарлиди вә җәнубтики окинава араллириғиму көз тикмәктә. Әмди дөләт мудапиә күчимизни ашуридиған пәйт кәлди," дәп мураҗиәт қилған.

Намайишчилар токйо шәһәр кочилирини айлинип "батур японлар җәң қилиду. Мәғрур японийиликләр җәң қилиду" дәп шоар товлиған.

Японийә даирилири японийә игидарчилиқидики сенкаку арилиға йеқинлашқан бир хитай белиқчи кемисини тосуп қалған вә капитани қолға алғаниди.Бу вәқә хитай японийә арисида дипломатик йириклишиш кәлтүрүп чиқарғаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт