Yapon milletchiliri namayish qilip yaponiyining xitaygha diplomatiye jehette yéngilip qalghanliqini eyiblidi

Fransiye agéntliqida körsitishiche, namayishqa 1500 etrapida adem qatnashqan bolup, ular tokyodiki "yogogi" baghchisigha yighilghan. Namayishchilar qollirida yaponiyining bayriqini lepilditip "kan hökümitining xitay tehditige bash egkenlikige hergiz chidap turalmaymiz," dep sho'ar towlighan.

Namayishni yaponiyidiki milletchiler teshkilati uyushturghan. Melum bolushiche, yaponiyining sabiq hawa mudapi'e qisimlirining shtab bashliqi toshi'o tamogami yapon milletchiler teshkilatining re'isi iken.

Toshi'o tamogami, yaponiyini 2 - dunya urushidin kéyin yaponiyide shekillen'gen "tinchliqperwer amillarni tazilash" qa chaqirip, maqale élan qilghandin kéyin, 2008 - yili öktebirde wezipisidin qaldurulghan.

Tamogami bu heqte élan qilghan bayanatida, "xitay 'sénkaku arallirining igilik hoquqi bizning' dep jakarlidi we jenubtiki okinawa arallirighimu köz tikmekte. Emdi dölet mudapi'e küchimizni ashuridighan peyt keldi," dep muraji'et qilghan.

Namayishchilar tokyo sheher kochilirini aylinip "batur yaponlar jeng qilidu. Meghrur yaponiyilikler jeng qilidu" dep sho'ar towlighan.

Yaponiye da'iriliri yaponiye igidarchiliqidiki sénkaku ariligha yéqinlashqan bir xitay béliqchi kémisini tosup qalghan we kapitani qolgha alghanidi.Bu weqe xitay yaponiye arisida diplomatik yiriklishish keltürüp chiqarghanidi.