Бир гуруппа япон милләтчилири талаш - тартиштики деңиз тәвәликигә қарап йолға чиқти

Бир гуруппа япон милләтчилири вә парламент әзалири олтурған бир кемә әтрити шәнбә күни бейҗиң даирилириниң агаһландурушиға қаримай японийә билән хитай арисида талаш - тартиш қилиниватқан деңиз тәвәликигә қарап йолға чиқти. японийә милләтчилириниң бу символ характерлик һәрикити хитайниң қаттиқ наразилиқини қозғиди.
Мухбиримиз җүмә
2012.08.18
Share on WhatsApp
Share on WhatsApp


Бу гуруппа 8 парламент әзасини өз ичигә алған 150 адәмдин тәшкил тапқа болуп, улар шәнбә күни әтигә саәт 8:30 дә ишигаки арилидин шәрқий хитай деңизиға җайлашқан сенкаку арилиға қарап йолға чиққан.

Сенкаку арили хитай тилида “дявйү арилири” дәп атилидиған болуп, нөвәттә японийиниң игидарчилиқида. Һалбуки хитай даирилири йеқиндин буян аралниң хитайға тәвә икәнликини күчәп тәшвиқ қилишқа башлиған иди.

Хитай даирилири юқириқи кемә әтрити йолға чиқиштин илгири бәргән баянатида буни “хитайниң земин пүтүнлүкигә дәхли қилидиған һәрикәт” дәп көрсикән вә буниң дәрһал тохтилишини тәләп қилған.

Бу нөвәтлик сенкаку сәпири һәққидә тохталған канагава районидин кәлгән һөкүмәт әзаси кәничи коҗима: мән бу нөвәтлик зиярәт арқилиқ хәлқара җәмийәткә бу аралниң биз гә тәвә икәнликини көрситип қоймақчи. Бу арал японийиниң кәлгүси үчүн интайин муһим, деди.

Хитай ташқи ишлар министирлиқи шәнбә конидики баянатида япон паалийәтчилириниң бу һәрикәтлирини “қанунсизлиқ” дәп атиди вә буниң хитайниң мәзкур аралға қаритилған игидарлиқ дәвасини өзгәртәлмәйдиғанлиқини билдүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.