Yaponiye hökümiti qoral éksportigha qaritilghan cheklimining boshashturulidighanliqini bildürdi

Yaponiye hökümiti 27-dékabir seyshenbe küni bayanat élan qilip, 35 yildin buyan yaponiyining chet'ellerge qaritilghan qoral éksportida, ilgiri emel qilinip kéliniwatqan cheklimilerning boshashturulidighanliqini bildürdi.
Muxbirimiz méhriban
2011.12.27
Share on WhatsApp
Share on WhatsApp

Yaponiye hökümiti 1967-yili chet'ellerge qaritilghan qoral éksportida “Kommunistlar hakimiyet yürgüzgen döletlerge qoral satmasliq, birleshken döletler teripidin qoral sétip bérish cheklen'gen döletlerge qoral satmasliq, xelq'ara jédel peyda qiliwatqan döletlerge qoral satmasliq” tin ibaret 3 prinsipqa emel qilishni yolgha qoyghan idi. 1983-Yili bu nizamgha tüzitish kirgüzülüp, yaponiyining özi bilen herbiy hemkarliqi bolghan döletlerge qoral satsa bolidighanliqi testiqlan'ghan idi.

B b s agéntliqining bu heqtiki xewiride déyilishiche, yéqinqi yillardin buyan amérika, en'gliye qatarliq döletlerning teshebbusi bilen ottura sherqte élip bériliwatqan térrorluqqa qarshi urush yaponiyining chet'ellerge sétip béridighan qorallargha qaritilghan cheklimini boshashturushigha seweb bolghan. Emma yaponiyidiki“Tinchliq kélishimi” ge emel qilishni teshebbus qilip kéliwatqan öktichi partiye,guruhlar bügün bayanat élan qilip, yaponiye hökümitining chet'ellerge éksport qilinidighan qorallargha qaritilghan cheklimini boshashturush qararigha naraziliqini ipadiligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.