Японийә баш вәзири хитайни аридики җиддийчиликни улғайтмаслиққа чақирди

Хитай һәрбий парахотиниң японийә чарлиғучи кемисини радар арқилиқ нишанға алғанлиқи ашкариланғандин кейин, японийә баш вәзири чаршәнбә күни баянат берип, хитайни шәрқий деңиз җиддийчиликини йәнә улғайтмаслиққа вә өзини тутувелишқа чақирди.
Мухбиримиз җүмә
2013.02.06

Японийә даирилириниң билдүрүшичә, 30-январ хитайниң бир һәрбий парахоти сенкаку йәни “дявйү” арили әтрапида японийиниң чарлаш парахотини башқурулидиған бомба қоюп бериштә ишлитидиған радарда нишанға алған.

Баш вәзир шинзо абе чаршәнбә күни японийә парламентидики баянатида: бу, толиму хәтәрлик вә алдин мөлчәрлигүсиз вәзийәткә башлап кириш хәвпи юқири болған вәқә. Хитайниң бир тәрәплимә вә иғвагәрчилик түсидики бундақ бир вәқәни садир қилиши толиму әпсуслинарлиқ, деди.

Һалбуки, хитай тәрәп бундақ бир вәқәниң болғанлиқидин хәвәрсизлики, буни пәқәт ахбараттин уққанлиқини билдүрүп вәқә һәққидә соралған соаллардин өзини қачурди.

Сенкаку арили маҗираси өткән бир нәччә айдин буян барғанчә улғаймақта иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.