Yaponiye soda ministiri xitayni yaponiyige siyrek minérallarni éksport qilishini dawamlashturushqa qistaydighanliqini bildürdi

Fransiye agéntliqida neqil körsitishiche, xitay da'iriliri yaponiyige siyrek minérallarni sétishni toxtatqanliqini ilgiri sürgendin kéyin, yaponiye iqtisad, soda - sana'et ministirliqi yaponiyidiki maddilarni pishshiqlap ishlesh we sétish sodisi bilen shughullinidighan 152 shirket ustidin tekshürüsh élip barghan.

Bularning ichide 35 shirket xitaydin siyrek minérallarni import qilishning dexlige uchrighanliqini delilligen.

Yaponiye da'iriliri yaponiye déngiz tewelikige üsüp kirgen xitay béliqchi kémisini tosup, kapitanini qolgha alghandin kéyin, xitay munasiwetlik tarmaqlirining yaponiyige siyrek minérallarni éksport qilishini toxtatqanliqi ilgiri sürülgen.

Xitay da'iriliri buning öch élish xaraktéridiki heriket ikenlikini ret qilghan.

Yaponiye soda ministiri akihiro ohata "xitay hökümiti resmiy bayanatida bundaq buyruq chüshürmigenlikini ilgiri sürdi. Emma, emeliyette buning rastliqini biz élip barghan tekshürüsh netijisi ispatlap turuptu" dégen.

U, xitaygha xitab qilip, "hökümitimiz xitayning bu ehwalni ongshashni keskin telep qilidu" dégen.

Sénkaku arilining igilik hoquq mesilisi xitay - yaponiye arisida yenila talash-tartish qilinmaqta.