Yaponiye xitaydin Uyghurlarning hoquqigha hörmet qilishni telep qildi

Yaponiye hökümiti ürümchidiki bir qanche künlük qirghinchiliqtin kéyin peyshenbe küni xitaydin Uyghurlarning hoquqigha hörmet qilishni telep qildi. Fransiye agéntliqining xewer qilishiche, yaponiyilik diplomatlar xitay diplomatliri bilen körüshüp, xitay, Uyghurlar we xitaydiki bashqa az sanliq milletlerning kishilik hoquqini qoghdishi kérek dep qaraydighanliqini bildürgen.
Muxbirimiz erkin
2009-07-09
Share

Fransiye agéntliqining bu heqtiki xewiride ismini ashkarilashni xalimaydighan yaponiyilik bir diplomatning " biz xitay terepke kishilik hoquq hemmige ortaq bolghan omumi qimmettur. Xelq'ara jem'iyetning Uyghurlarning hoquqigha kapaletlik qilishni telep qilishi teb'iy ehwal" dégenlikini yazdi.

Yaponiye bu telepni tokyoda ötküzülgen xitay - yaponiye kishilik hoquq söhbitide otturigha qoyghan bolup, yaponiye söhbet wekiller ömikige yaponiye tashqi ishlar ministirliqining mu'awin bash katipi shigéyuki xiroki yétekchilik qilghan idi. Lékin xitay terep yaponiye otturigha qoyghan mesililerge jawab bermigen. Ular peqet ürümchidiki weqeni chet'eldiki "qanunsiz bölgünchiler" qozghighanliqini, weqeni qanun boyiche bir terep qilidighanliqini tekitlep turuwalghan.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet