Yawropa-amérika qisimlirining hawa hujumi kazafiyning mudapi'e küchlirini ünümlük pachaqlidi

B b s ning bayan qilishiche, b d t ning liwiyide uchushqa bolmaydighan rayon belgilesh qararini ijra qilish üchün yekshenbe küni élip bérilghan herbiy heriketke yawropa, amérika qisimlirining 19 hujumchi ayropilani qatnashti. Buning ichide 2 si b-2 belgilik muspi bombardimanchi.
Muxbirimiz weli
2011-03-21
Share

Ereb birlikining ezasi bolghan qatarmu bu heriketke 4 bombardimanchi ewetti. Bu qétimqi herbiy herikette yawropa-amérika qisimliri kazafiyning hawa mudapi'e küchlirige ünümlük zerbe berdi.

Fransiye agéntliqining bayan qilishiche, kazafiygha qarshi qozghilangchilar, gherb döletlirining tünügünki hawa hujumida kazafiyning ben'ghazidiki bir nechche on tanka-broniwikliri pachaqlan'ghanliqigha tentene qildi.

Birleshme agéntliqining bayan qilishiche, liwiyide uchushqa bolmaydighan rayon belgilesh heqqide b d t qarar maqullighanda awaz bérishtin waz kechken xitay bügün, gherb döletlirini, liwiyige hujum qilip xelq'ara qanun'gha xilapliq qildi, dep eyiblep otturigha chiqti. Shundaqla uni, amérika yétekchilikidiki iraq we afghanistan ishghaliyitining dawami dep jakarlidi.

Emma, xitayning bayanatidin kéyinla, ereb birlikining bash katipi musa bayanat élan qilip, b d t ning kazafiygha herbiy heriket qollinish toghrisidiki qararigha hörmet qilidighanliqini jakarlidi. Tehlil qilinishiche, xitay hazir liwiye mesiliside amérika bilen biwasite söhbetlishidighan chong dölet boluwalmaqchi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet