Явропа бирлики вә америка, хитайни өктичи зат лю шавбони қоюветишкә чақирди

Түнүгүн явропа бирлики бир баянат елан қилип, хитай һөкүмитини өктичи зат лю шавбони шәртсиз қоюп беришкә чақирди. Лю шавбо, бу йил 53 яш болуп, у 1989 ‏-йилидики оқуғучилар намайишиға қатнашқан, өткән йили йәнә "2008 низмнаиси" намида бир тәләпнамә һазирлап, хитайни демократик ислаһат елип беришқа чақирған иди.
Мухбиримиз шоһрәт һошур
2009-12-15
Елхәт
Пикир
Share
Принт

Бу сәвәблик у өткән йили қолға елинған вә нөвәттә дөләт һакимийитини ағдуруш җинайити билән әйибләнмәктә иди.

Өктичи зат лю шавбониң тәқдиригә изчил көңүл бөлүп келиватқан дөләтләрдин бири америка болуп, америка ташқи ишлар министирлики өткән һәптә бир баянат елан қилип, хитайни лю шавбони қоюп беришкә, буниң билән тәң хитай пуқралириниң ипадә әркинликигә һөрмәт қилишқа чақирған иди.

Бүгүн хитай ташқи ишлар баянатчиси бу һәқтә наразилиқ билдүрүп, хитайниң бир қанун дөлити икәнликини, хитай әдлийә системисиниң мустәқил бир орган икәнликини шуңа, явропаниң хитайниң ички ишлириға, җүмлидин қанун органлириниң қарарлириға арилашмаслиқини чақирған.

Пикирләр (0)
Share
Толуқ бәт