Yawropa tashqi munasiwetler kéngishi: yawropa ittipaqining xitay siyasiti meghlup boldi

Yawropa ilmiy tetqiqat organliridin yawropa tashqi munasiwetler kéngishi jüme küni doklat élan qilip, yawropa ittipaqining xitay bilen sodidin tartip kishilik hoquqqiche bolghan her qaysi sehelerdiki siyasitide héchqandaq ilgirilesh bolmighanliqini, yawropaning siyasitining meghlup bolghanliqini bildürdi.
Muxbirimiz erkin
2009-04-17
Share

Doklatta yawropa ittipaqining xitaygha yumshaq wasitilerni ishlitish bilen teng yene qet'iy bolushini tewsiye qildi.

Doklatta mundaq deydu: "shertsiz hemkarlishish istratégiyisi aqmidi. Xitay küchi yawropaning tutqan yolini nezirige ilmidi. Ular yawropaning ajizliqidin ustiliq bilen paydilinip, démokratiyilishishni ret qildi."

Yawropa ittipaqi xitayning eng chong soda shériki bolupla qalmay ularning yene tibet mesiliside zor ixtilapi bar idi. 2008 ‏ - Yili 10 ‏ - ayda fransiye prézidénti sarkozi tibet rohaniy dahiysi dalay lama bilen körüshkendin kéyin, xitay yawropa ittipaqi bilen ötküzidighan bashliqlar yighinini bikar qilghan.

Doklatta yene mundaq dégen": yawropa ittipaqining xitay istratégiyisi, xitay yawropaning tesiride iqtisadini libirallashturup, qanuni bilen idare qilish, siyasetni démokratiyileshtürüshni yolgha qoyidu, deydighan qélip asasigha qurulghan."

 Lékin, doklatta xitayning buninggha perwa qilip qoymighanliqini bildürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet