Yawropa birliki xitayni xelq pulining almashturush qimmitini östürüshke qistidi

Yawropa birliki xitayni xelq pulining oborottiki qimmitini östürüshke qistidi, emma xitay bash ministiri wén bu heqte ipade bildürmidi.
Muxbirimiz jume
2010.10.05
Share on WhatsApp
Share on WhatsApp

Yawropa birliki maliye ministiri jé'an klawdé junkér, nöwette yawropada ziyarette boluwatqan xitay bash ministiri bilen körüshken we körüshüshtin kéyin, chaqirilghan axbarat élan qilish yighinda "xitay pulining heqiqiy almashturush qimmiti yenila bazar nerxidin töwen turmaqta" dégen.

Klawdé junkér yene, yawropa birlikidiki ellerning xitaydin "öz pulining almashturush qimmitini tertiplik we omumyüzlük östürüsh"ni telep qilghanliqini bildürgen.

Klawdé junkér axirida, xitay bash ministiri wén jyabawning bu heqtiki meydani üstide toxtilip "xitay da'iriliri bizning qarashlirimizgha qoshulmaydu" dégen.

Xitay xelq pulining almashturush qimmiti mesilisi yawropa elliri we amérika da'irilirining béshini qaturuwatqan mesililerning biri. Otken hepte amérika dölet mejlisi xitayni pul qimmitini tengsheshke qistaydighan bir qanun layihisini tonushturghan idi.

Mutexessislerning qarishiche, xitay öz pulining oborot qimmitini töwen tutush arqiliq, gherb elliride adaletsiz soda muhiti shekillendürgen we nurghun chet'el shirketlirining ziyan tartishigha seweb bolghan.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.