Xitay milliy yazghuchilarning eserlirini neshir qilish layihisini ishqa kirishtürdi

Uyghur aptonom rayonluq partkomning we hökümetning biwasite teshkillishi hem meblegh ajritishi bilen << shinjangdiki milliy edebiy eserler ijadiyiti we milliy hem xitay tili terjime eserliri qurulushi>> dep atalghan mexsus milliy yazghuchilarning eserlirini xitay tiligha, xitay tilidiki eserlerni milliy tillargha terjime qilish shuningdek milliy edebiyat eserlirini neshir qilishni muddi'a qilghan mexsus bir layihe 21- öktebirdin étibaren ishqa kirishken.
Muxbirimiz ümidwar
2011-10-23
Élxet
Pikir
Share
Print

Shinxu'aning  bu heqtiki  xewiridiki uchurlargha asaslan'ghanda,  mezkur pilan layihisi Uyghur qatarliq  xitay emes milletler yazghuchilirining  edebiy eserlirini hemde  xitay we  Uyghur qatarliq tillardin bir-birige  terjime qilin'ghan eserlerni toplap, neshir qilish üchün meblegh bilen teminlesh hem yardem bérishni meqset qilidiken.

  Hazirghiche  Uyghur aptonom rayonluq  yazghuchilar jem'iyiti  Uyghur qatarliq her qaysi millet yazghuchilirining   roman, powést, shé'irlar toplimi, edebiy obzorlar toplimi we  terjime eserliridin bolup, 92 parche kitabni  tallap békitken.  Mezkur layihige tallinidighan eserlerge qattiq telep qoyulidighan bolup,  üch xil bahalash jeryanini bashtin kechürüp, eng axirida muqimlashturulidiken.

Melum bolushiche, 1949-yilidin tartip hazirghiche Uyghur élidiki Uyghur yazghuchilarning  qelimi bilen yézilip neshir qilin'ghan romanlar texminen 200 etrapida bolup,  yene köpligen neshir qilinishni kütüp turghan  romanlar, powéstlar  we bashqa xildiki eserlerning barliqi,  biraq  Uyghur yazghuchilirining iqtisadiy qiyinchiliq , siyasiy  we idé'ologiyilik kontrolluqlar tüpeylidin  öz eserlirini erkin neshir qilishqa érishelmeywatqanliqi inkas qilinmaqta.

Toluq bet