Хитайниң йеңи паспорти наразилиқ пәйда қилди

Хитайниң йеңи ишләнгән паспортиға җәнубий деңиз хитайниң территорийиси қилип көрситилгән хәритиниң чүшүрүлүши филиппин вә вйетнам қатарлиқ дөләтләрниң қаттиқ ғәзипини қозғиди.
Мухбиримиз ирадә
2012.11.22

Бүгүн филиппинниң ташқи ишлар министири алберт дел росарио баянат берип, хитайниң бу һәрикитини қаттиқ әйиблигән. У “хитай йеңи паспортидики хәритигә филиппинға тәвәлики интайин ениқ болған районларниму киргүзүвалған, бу һәддидин ашқан вә хәлқара қанунларға хилап бир әһвал” дегән.

Пәйшәнбә күни вйетнам даирилириму хитайға рәсмий наразилиқ хети әвәтип, хитайдин хәритини түзитишни тәләп қилған.

Франсийә агентлиқиниң ейтишичә, бу паспортни ишлитип туруп, вйетнамға кирмәкчи болған бәзи хитай пуқралири бүгүн хитайдики вейбо ториға қалдурған сөзидә, өзлириниң паспорттики хәритә сәвәбидин чеградин өткичә бир мунчә аваричиликкә учриғанлиқини билдүргән. Хитай тәрәп болса, мәсилини кичиклитишкә урунмақта. Ташқи ишлар министирлиқи баянатчиси хуа чүнйиң бу һәқтики соалларға “бизниң алаһидә бир мәқситимиз йоқ, биз алақидар дөләтләр билән давамлиқ алақә ичидә болушни арзу қилимиз” дейиш биләнла болди қилған.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.