ئامېرىكا ئەمەلدارى خىتاينىڭ يېڭى پاسپورتى مەسىلىسىگە دىققەت قىلىدىغانلىقىنى بىلدۈردى

ئامېرىكا ئەمەلدارى خىتاينىڭ يېڭى پاسپورتىدىكى خىتاي خەرىتىسى ئىچىگە كىرگۈزۈۋېلىنغان جەنۇبىي دېڭىزدىكى ئاراللار مەسىلىسى تۈپەيلىدىن كېلىپ چىققان خەلقئارالىق جېدەللەرگە دىققەت قىلىۋاتقانلىقىنى بىلدۈردى.
مۇخبىرىمىز مېھرىبان
2012-11-30
Share

ئامېرىكا دۆلەت مەجلىسى باياناتچىسى ۋىكتورىئال نۇلاند تۈنۈگۈن 29-نويابىر بايانات ئېلان قىلىپ، «خىتاينىڭ يېڭى پاسپورتى كەلتۈرۈپ چىقارغان ماجىرالارغا قارىتا، ئامېرىكا، خىتاي ھۆكۈمىتىدىن ھازىرغا قەدەر ئىككى قېتىم بۇ مەسىلىگە چۈشەندۈرۈش بېرىشنى تەلەپ قىلدى. خىتاي ھۆكۈمىتى بۇ مەسىلىگە قارىتا ئۆزىنىڭ قارىشىنى بىلدۈرۈپ ئۆتتى.ئەمما بىز باشقا دۆلەتلەر بىلەن بىرلىكتە خىتاي ھۆكۈمىتىنىڭ بۇ مەسىلە ھەققىدە قايتا ئويلىنىشىنى ئۈمىد قىلىمىز» دېدى.

خىتاينىڭ بۇ يىل 5-ئايدا تارقاتقان يېڭى پاسپورتىدا ئۇزۇندىن بۇيان جەنۇبىي دېڭىزدىكى دۆلەتلەر ئارىسىدا تالاش-تارتىشلارغا سەۋەب بولۇۋاتقان ئاراللارنى ئۆزىنىڭكى قىلىۋالغانلىقى فىلىپپىن، ۋيېتنام، ھىندىستان، مالايشىيا، تەيۋەن، برونېي قاتارلىق قوشنا مەملىكەتلەردە ۋە رايونلاردا نارازىلىق پەيدا قىلغان ئىدى. تۈنۈگۈن فىلىپپىن قاتارلىق دۆلەتلەر بايانات ئېلان قىلىپ، خىتاينىڭ يېڭى پاسپورتىغا ۋىزا بەرمەيدىغانلىقىنى ئۇقتۇرغان. خىتاي تەرەپ بولسا جەنۇبىيي دېڭىز تەۋەلىكىگە كىرىدىغان كېمىلەرگە قارىتا تەكشۈرۈشنى يولغا قويىدىغانلىقىنى بىلدۈرگەن ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت