Yéngi yuqumluq késel tehditi

Choshqa zukimi dep atalghan yene bir yéngi yuqumluq késel insanlarning hayatigha éghir tehdit süpitide peyda boldi. Latin amérikisi eng jiddiy tehdit astida bolup, méksikida bu késel bilen 81 ademning ölgenliki xewer qilinmaqta.
Muxbirimiz ümidwar
2009.04.26
Share on WhatsApp
Share on WhatsApp

B b s agéntliqining xewer qilishiche, méksika hökümiti paytext we uning etrapidiki barliq mekteplerni 5 - ayghiche taqashni qarar qilghan hemde késeldin mudapi'e körüsh charilirini élishni kücheytken.

Méksika hökümiti 1300 din artuq ademning bu xil késel wirusi bilen yuqumlan'ghanliqini perez qilghan bolup, lékin yene yéngi uchurda 4000 din artuq ademge bu késel yuqqanliqi perez qilinmaqta.

Méksika hökümiti 10 kün'giche barliq ammiwi yighilish pa'aliyetlirini chekligen, amérika terepmu bu xil mikropning amérikigha tarqilip kétishining aldini élish üchün chare qollinishqa tutush qilghan bolup, amérikining méksika bilen chégrilinidighan kaliforniye qatarliq shtatliridiki puqralarda xewpsiresh kücheygen.

Amérika sehiye tarmaqliri hazirche amérikida 20 ademning choshqa zukimi bilen aghrighanliqini perez qilmaqta. Nyuyorktiki bir mektepte 8 baligha mushu xildiki késel yuqqanliqi qiyas qilin'ghan. Amérika bu mesilide jiddiy tedbir qollinish élan qilghan. Rusiye, xitay we bashqa döletlermu késelning aldini élish üchün jiddiy tedbirlerni almaqta.

Bu munasiwet bilen dunya sehiye teshkilati yighin chaqirip, bu késelning yer shari miqyasida ewji élishni tosush tedbirlirini élishni békitken .

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.