Замбийидики бир көмүр кениниң хитай директори ишчилар тәрипидин өлтүрүлди
Ишчилар хитай көмүрчилик ширкитиниң йәнә бир вәкилини еғир яриландурған. Бу җедәл хитай көмүрчилик ширкити йәрлик ишчиларниң иш һәққини өстүрүп беришкә вәдә қилған болсиму, бирақ вәдисини иҗра қилмиғанлиқтин йүз бәргән. Замбийилик ишчилар маашини өстүрүп беришни тәләп қилип, хитай кан директори билән җедәлләшкән. Ғәзипигә пайлимиған ишчилар ву шеңзәй исимлик хитай директорни көмүр вагониға бастуруп өлтүрүвәткән.
Хитай йеқинқи йиллардин буян африқиниң кан байлиқиға милярдлап доллар мәбләғ селип, униң билән болған сода һәҗмини166 милярд долларға чиқарған. Йеқинда хитай дөләт рәиси ху җинтав кәлгүси 3 йилда африқа әллиригә 20 милярд доллар қәрз беридиғанлиқини елан қилған иди.
Бирақ, хитайниң африқиға салған мәблиғи кишилик һоқуқ тәшкилатлири вә ғәрб әллириниң тәнқидигә учриған. Улар хитайниң ноқул енергийә вә кан байлиқини дәп африқа әллиригә селиватқан мәблиғи вә бериватқан қәрзи, муһитни вәйран қилип, африқа әллиридики парихорлуқ, хиянәтчиликни еғирлаштуруватқанлиқини вә ишчиларниң һоқуқини дәпсәндә қиливатқанлиқини илгири сүргән. Йеқинда америка дөләт ишлар министири һелари клинтон африқидики сенегал, җәнубий африқа қатарлиқ 8 дөләткә зиярәткә чиқип, африқа әллирини агаһландурған иди.
Гәрчә клинтон ханим хитайниң исмини тилға алмиған болсиму, бирақ у, башқилар көп пайда елип, африқа хәлқи һечнемигә еришәлмәйдиған бундақ әһвалға хатимә берилиши керәкликини тәкитлигән.
- Әлфидар илтәбир америка уйғур бирләшмисиниң йеңи нөвәтлик рәисликигә сайланди
- Қәшқәрдә лагерға адәм тутушта хизмәт көрсәткән сақчиниң қизиму 10 йиллиқ кесилгән
- Хитай бачелетниң зиярити һарписида чәт әлдики уйғурларға түрмидики аилә әзалириниң давасини қилмаслиқ тоғрисида бесим ишләткән
- Қазақистанлиқ уйғур йигити дуня мусабиқисидә 3-орунға еришти
- “шинҗаң сақчи архиплири” ниң ашкарилиниши мунасивити билән мюнхенда хитайға қарши намайиш елип берилди
