Zambiyidiki bir kömür kénining xitay diréktori ishchilar teripidin öltürüldi

Zambiye saqchi da'irilirining ashkarilishiche, yekshenbe küni xitay meblegh sélip achqan zambiyidiki bir kömür kénining xitay diréktori bilen yerlik kan ishchilirining arisida ixtilap yüz bérip, xitay kan diréktori öltürülgen.
Muxbirimiz erkin
2012-08-06
Share

Ishchilar xitay kömürchilik shirkitining yene bir wekilini éghir yarilandurghan. Bu jédel xitay kömürchilik shirkiti yerlik ishchilarning ish heqqini östürüp bérishke wede qilghan bolsimu, biraq wedisini ijra qilmighanliqtin yüz bergen. Zambiyilik ishchilar ma'ashini östürüp bérishni telep qilip, xitay kan diréktori bilen jédelleshken. Ghezipige paylimighan ishchilar wu shéngzey isimlik xitay diréktorni kömür wagonigha basturup öltürüwetken.
Xitay yéqinqi yillardin buyan afriqining kan bayliqigha milyardlap dollar meblegh sélip, uning bilen bolghan soda hejmini166 milyard dollargha chiqarghan. Yéqinda xitay dölet re'isi xu jintaw kelgüsi 3 yilda afriqa ellirige 20 milyard dollar qerz béridighanliqini élan qilghan idi.

Biraq, xitayning afriqigha salghan meblighi kishilik hoquq teshkilatliri we gherb ellirining tenqidige uchrighan. Ular xitayning noqul énérgiye we kan bayliqini dep afriqa ellirige séliwatqan meblighi we bériwatqan qerzi, muhitni weyran qilip, afriqa elliridiki parixorluq, xiyanetchilikni éghirlashturuwatqanliqini we ishchilarning hoquqini depsende qiliwatqanliqini ilgiri sürgen. Yéqinda amérika dölet ishlar ministiri hélari klinton afriqidiki sénégal, jenubiy afriqa qatarliq 8 döletke ziyaretke chiqip, afriqa ellirini agahlandurghan idi.

Gerche klinton xanim xitayning ismini tilgha almighan bolsimu, biraq u, bashqilar köp payda élip, afriqa xelqi héchnémige érishelmeydighan bundaq ehwalgha xatime bérilishi kéreklikini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet