Ürümchide zeherlik gaz chiqip kétish weqesi yüz bérip, az dégende 5 adem ölgen

Ürümchi diwopu ayrodromining yénidiki bir ishlepchiqirish séxida zeherlik gaz chiqip kétish weqesi yüz bérip, az dégende 5 adem ölgen.
Muxbirimiz erkin
2012-05-11
Share

Shinxu'a agéntliqining aptonom rayonluq ishlepchiqirish bixeterlikini qoghdash da'irilirining sözidin neqil keltürüp xewer qilishiche, weqe ayrodrom yénidiki nétrogén ishlepchiqiridighan bir karxana séxida yüz bergen.

Xewerde nétrogén ishlepchiqirish séxi bilen ayrodrom otturisida qandaq munasiwet barliqi tilgha élinmighan bolsimu, lékin zeherlik gazda ölgenlerdin bezilirining séx ishchisi ikenliki, qalghan kishilerning hawa yolliri xadimi we tebi'iy dawalash xadimliri ikenliki bayan qilin'ghan. Xewerde zeherlinip doxturxanida qutquzush élip bériliwatqanlarning konkrét sani tilgha élinmighan. Peqet sani éniq bolghan bir türküm kishilerning doxturxanida jiddiy qutquzuluwatqanliqini bildürgen.

Aptonom rayonluq bixeter ishlepchiqirishni qoghdash idarisining bayanatchisi, weqening yüz bérish sewebi heqqide élip bérilghan deslepki tekshürüshtin weqeni ishchilarning meshghulat jeryanidiki bixesteliki keltürüp chiqarghanliqi melum bolghanliqi bildürgen.

Mezkur weqe charshenbe küni kech sa'et 7:20 de yüz bergen. Aptonom rayonluq bixeter ishlepchiqirishni qoghdash idarisining yuqiriqi bayanatchisi yene, munasiwetlik organlarning weqening sewebi heqqide yenimu inchikilep tekshürüsh élip bériwatqanliqini élan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet