Зәһәрлик сүт парашоки түпәйли давалинишқа муһтаҗ балиларниң сани 47 миңға йәтти

Хитай сәһийә министирлиқи пәйшәнбә күни, нөвәттә зәһәрлик сүт парашокиниң тәсири билән дохтурханида давалиниватқан өсмүр балиларниң 11 миңға йәткәнликини, буниңдин сирт 36 миң кишиниң дохтурханидин чиққанлиқини билдүрди.
Мухбиримиз әқидә
2008-10-09
Share

Демәк буниңдин дохтурханида даваланмиса болмайдиған балилар саниниң 47 миңға тоғра келидиғанлиқи ашкариланған. Бу хитай сәһийә министирлиқи сентәбир ейиниң ахирлири елан қилған сандин 3 һәссә артуқ һесаблиниду.

Франсийә агентлиқиниң хәвиридин мәлум болушичә, хитай һөкүмити, зәһәрлик сүт парашокиниң зәрбисигә еғир дәриҗидә учриған сүтчи деһқанларни 3 йүз милйон хәлқ пули билән тәминлигән болуп, әмма сүт парашокидин зәһәрләнгүчиләрниң зийинини төләп бәрмигән.

Зиянкәшликкә учриғучиларниң аилә тавабатлириниң тәләплири, һөкүмәтниң бастурушиға дуч кәлгән.

Бу арида хоңкоң билән сингапур һөкүмити пәйшәнбә күни, йәнә бир қетим хитайдин импорт қилинған йемәкликләр ичидә меламин байқалғанлиқини ашкарилиди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт