Dunya Uyghur qurultiyi jang chünshyenning “Muqimliqni qoghdash” sho'arigha inkas qayturdi

Jang chünshyen 22-dékabir ürümchide échilghan “Shinjangda muqimliqni saqlash” yighinida, rayon weziyitining murekkeplikini tekitlep, özining muqimliqni saqlashni aldinqi orun'gha qoyidighanliqini bildürgen.
Muxbirimiz shöhret hoshur
2011.12.26
Share on WhatsApp
Share on WhatsApp

Xitay hökümiti 5-iyul ürümchi weqesidin kéyin, rayondiki xelqning naraziliqigha uchrighan partkom sékrétari wang léchüenning ornigha jang chünshyenni teyinlep, Uyghur élige qaratqan siyasitide islahat élip baridighanliqini jakarlighan؛ eyni chaghda jang chünshyenmu özining rayonda yumshaq siyaset yürgüzidighanliqini eskertip, rayon iqtisadini yuqiri kötüridighanliqini tekitligen idi.

Jang chünshyenning ikki yil ilgiriki wedilirini untup, yéqindin buyan rayon weziyitining murekkeplikini tekitlishi we muqimliqni saqlashni aldinqi orun'gha qoyushi, rayon weziyitini közetküchilerning hem metbu'atlarning jiddiy diqqitini qozghidi.

Dunya Uyghur qurultiyi bayanatchisi dilshat rishit bügün radi'omiz arqiliq bayanat élan qilip, jang chün shyenning Uyghur aptonom rayon weziyitining murekkeplikini bahane qilip, rayonda Uyghurlargha qaratqan basturush siyasitini kücheytkenlikini eyiblidi.

Dilshat rishit bayanatida, xitay hökümiti Uyghurlargha qaratqan basturush siyasitini özgertmise, sherqiy türkistan xelqining naraziliqining téximu küchiyidighanliqini, hetta xitay kütmigen derijidiki shiddetlik qarshiliqlarning yüz bérish éhtimalliqini yene bir qétim tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.