Илһам тохти "5 - июл"ниң бир йиллиқи мунасивити билән америка авази радиосида сөз қилди

Илһам тохти сөзидә, нөвәттә уйғурларда, һөкүмәткә ишәнмәслик, армийигә ишәнмәслик, сақчиға ишәнмәслик вә хәнзуларға ишәнмәслик кәйпиятиниң һөкүм сүруватқанлиқини билдүргән. У 5 - июлда өлгән хитай пуқралириниң мәтбуатларда кәң тәшвиқ қилинғанлиқини, 5 - вә 7 - июлларда өлгән уйғурларниң һеч хәвәр қилинмиғанлиқини йәнә бир қетим тәкитлигән. У бейҗиңда ечилған шинҗаң хизмити һәққидә тохтилип, : шинҗаңдики мәсилә, пул кәмлик мәсилиси әмәс, бәлки пулни нәгә ишлитиш вә пулни қандақ бөлүшүш мәсилиси " дәп көрсәткән.

У ичкири өлкиләрниң пулиға, ичкирииниң техникисиға вә ичкириниң адәм күчигә таянған тәрәққиятниң уйғурларға пайда елип кәлмәйдиғанлиқини баян қилған вә бу нуқтида корлини мисал қилип чүшәндүргән. У бу һәқтә мундақ дегән: " шундақ, корла тәрәққи қилди, малийә киримиму ашти, өй вә мал баһаси өсти; бирақ уйғурларниң ишисизлиқ мәсилиси һәл болмиди. Нәтиҗидә корлидики тәрәққият уйғурларни өй сетиваламайдиған вә гөш сетивалалмайдиған әһвалға чүшүрүп қойди. "

Илһам тохтиниң бу қетимқи сөзлири хитай интернет сәһипилиридә кәң көләмдә муназирә қилинмақта.