Ilham toxti "5 - iyul"ning bir yilliqi munasiwiti bilen amérika awazi radi'osida söz qildi

Béyjingdiki musteqil tetqiqatchi, dotsént ilham toxti, tünügün amérika awazi radi'osining ziyaritini qobul qilip, nöwettiki Uyghur weziyiti heqqide pikir bayan qilghan.
Muxbirimiz shöhret hoshur
2010.07.06

Ilham toxti sözide, nöwette Uyghurlarda, hökümetke ishenmeslik, armiyige ishenmeslik, saqchigha ishenmeslik we xenzulargha ishenmeslik keypiyatining höküm süruwatqanliqini bildürgen. U 5 - iyulda ölgen xitay puqralirining metbu'atlarda keng teshwiq qilin'ghanliqini, 5 - we 7 - iyullarda ölgen Uyghurlarning héch xewer qilinmighanliqini yene bir qétim tekitligen. U béyjingda échilghan shinjang xizmiti heqqide toxtilip, : shinjangdiki mesile, pul kemlik mesilisi emes, belki pulni nege ishlitish we pulni qandaq bölüshüsh mesilisi " dep körsetken.

U ichkiri ölkilerning puligha, ichkiri'ining téxnikisigha we ichkirining adem küchige tayan'ghan tereqqiyatning Uyghurlargha payda élip kelmeydighanliqini bayan qilghan we bu nuqtida korlini misal qilip chüshendürgen. U bu heqte mundaq dégen: " shundaq, korla tereqqi qildi, maliye kirimimu ashti, öy we mal bahasi östi؛ biraq Uyghurlarning ishisizliq mesilisi hel bolmidi. Netijide korlidiki tereqqiyat Uyghurlarni öy sétiwalamaydighan we gösh sétiwalalmaydighan ehwalgha chüshürüp qoydi. "

Ilham toxtining bu qétimqi sözliri xitay intérnét sehipiliride keng kölemde munazire qilinmaqta.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Pikir

Anonymous
Jul 06, 2010 03:24 PM

Ilham Toxti aka Uyghurlarning yurek sadasini dunyagha anglitip kiliwatidu. Men Ilxam akamgha Ten salametlik we uzun omur tileymen.