Jang chünshyen, 5 - iyul küni kocha we bazar arilap, ürümchi ahaliliridin ehwal igelligen

Shinjang gézitining xewer qilishiche, Uyghur rayonining partkom sékritari jang chünshyen tünügün chüshtin bürün ürümchi shehiride yerlik ahaliler olturaqlashqan kocha we bazarlarni ziyaret qilip, ahalilerdin nöwettiki weziyet heqqide melumat igiligen.
Muxbirimiz shöhret hoshur
2010.07.06

U bu jeryanda, tengritagh rayonining miwe - chiwe, qaq baziridiki yunus we litip isimlik ikki Uyghur dukandarning dukinini ziyaret qilip, ulardin soda - sétiq ehwali we etrapning muqimliq ehwali heqqide pikir alghan. Jang chünshyen yene shyawshimén baziridiki xitay tijaretchilirinimu yoqlighan. Emma u 5 - iyul weqesidin kéyin sezgür rayonlar dep atalghan döngköwrük baziri we at beyge meydani qatarliq jaylargha ötmigen. 5 - Iyul we uningdin kéyinki weqelerde ürümchidiki her ikki milletning puqraliri arisida ölüsh we yarilinish shundaqla mal - bisatigha ot qoyush hadisiliri körülgen. Emma, xitay hökümiti xitay tereptin ölgüchilerning a'ilisige 400 ming yüendin qutquzush puli bergen we mal - waranlirining ziyinini tölep bergen. Biraq, 7 - iyul dukanliri ziyan'gha uchrighan Uyghurlargha bésim ishlitip héchqandaq tölem bermigen.

Uyghur közetküchiler jang chünshyenning emeliy mesililerni hel qilishtin özini tartip, shekliwazliq arqiliq ammining rayini qazinishqa urunuwatqanliqini otturigha qoymaqta.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.